Rama për rindërtimin në Fushë-Krujë: Shumë shpejt shtëpitë e reja për 1200 banorë

Banesat e shembura nga tërmeti i 26 nëntorit në Fushë-Krujë vijonë të rindërtohen me intensitet të lartë, ka bërë të ditur sot kryeministri Edi Rama.

Ai thotë se për pak muaj do të hyjnë në shtëpi të reja 1200 banorë.

‘Mirëmëngjes dhe me këto pamje mbi lagjen e re Rilindja të Fushë-Krujës, ku edhe pak muaj do të hyjnë 1,200 banorë të rinj, me kushte optimale, ju uroj një ditë të mbarë’- shkruan Rama.

Lagjja e re përfshin çerdhe, kopsht, qendër shëndetësore, shërbime administrative dhe një treg të madh për zonën.

Në kuadër të programit të rindërtimit në Fushë-Krujë po ndërtohen edhe 15 pallate me 100 apartamente.