Kryeministri Edi Rama mblodhi mëngjesin e sotëm Shtabin e Emergjencave lidhur me situatën e krijuar në vend për shkak të motit të keq. Zhvendosja e reshjeve të dendura në Jug ka rritur masat në prefekturat e Gjirokastrës, Vlorës dhe Fierit.
Rama tha se janë marrë masat për pastrimin e kanaleve kulluese.
“Besoj që situata në zonën e Jugut do të jetë e rënduar sipas parashikimeve, por ndërkohë kemi parë që masat që kemi marrë duke bërë pastrime masive të kanaleve dhe duke investuar në disa segmente pas përmbytjeve të mëparshme, e kanë sidoqoftë relaksuar goxha situatën”, tha Rama.
Ndërsa kreu i Emergjencave Civile, Shemsi Premçi, bëri të ditur se është njoftuar dhe pala greke, lidhur me vërshimet e Vjosës. “Po testojmë prurjet e Vjosës nga ana jonë, në Gjirokastër dhe Tepelenë dhe është vlerësuar situata. Për këtë janë njoftuar prefektët e të gjithë rajonit”, tha Premçi.
Vetëm për Jugun ministria e Mbrojtjes ka angazhuar 300 forca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
