Takimi i 200 shteteve në konferencën e klimës në Paris, ishte parashikuar që të përfundonte ditën e sotme , por është shtyrë dhe një ditë për të konfirmuar draft- marrëveshjen . Kryetari i takimit dhe Ministri i Jashtëm francez, deklaroi këtë mëngjes që edhe 24 orë bisedime do të jenë të nevojshme për të konfirmuar draftin për klimën dhe se janë optimistë se në fund ky kongres do të mbyllet me një rezultat pozitiv.
Negociatorët kanë qenë duke punuar në draftin e fundit që prej të enjtes në një përpjekje për të zgjidhur pikat e fërkimit.
Duket se qeveritë kanë bërë përparim në disa çështje, por ka ende mosmarrëveshje mbi disa çeshtje të tjera si për shembull në monitorimin e kufizimeve të emetimit të karbonit në atmosferë.
Ndryshe nga konferencat e mëparshme të klimës të OKB-së, Laurent Fabius, kreu i bisedimeve, tha se do të bëjë me dije sa më shpejt që ai beson se konsesusi për të ndalur ngorhejn globale është arritur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
