Gjykata kundër Korrupsionit dhe Krimit të Organizuar ka dhënë vendimin për tre efektivët e Policisë Rrugore të përfshirë në një çështje korrupsioni.
Edison Tabaku është shpallur fajtor për korrupsion dhe është dënuar me 2 vite burgim.
Po ashtu, Sokol Navaku është dënuar me 2 vite burgim për të njëjtën akuzë, por me pezullim të dënimit dhe vendosje në shërbim prove për 4 vite, ndërsa i është hequr masa e arrestit në shtëpi.
Ndërkohë, Roven Zeka është shpallur i pafajshëm, pasi gjykata vlerësoi se nuk u provua fakti penal ndaj tij. Si rrjedhojë, edhe atij iu hoq masa e arrestit në shtëpi.
Sipas akuzës, tre efektivët dyshohej se kishin kërkuar dhe marrë 2 mijë euro për të mos arrestuar një grua të përfshirë në një aksident rrugor.
Ata u arrestuan me urdhër të SPAK, pasi dyshohej se kishin marrë shumën nga biznesmeni Erges Vrioni në këmbim të mos ndalimit të bashkëshortes së tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
