Shifra rekord janë raportuar ditën e sotme me koronavirus në Maqedoninë e Veriut. Për herë të parë që prej fillimit të pandemisë janë shënuar 535 raste të reja, ndërkohë që në 24 orët e fundit janë shënuar edhe gjashtë viktima.
Qyteti me numrin më të madh të të infektuarve është Shkupi me 277 persona ndërsa pasojnë: Strumica (30), Prilepi (28), Gjevgjelia (24), Shtipi (22), Tetova (18), Kumanova (17) kurse numër më të vogël ka në 20 qytete tjera.
Lajmi ngushëllues është se në 24 orët e fundit janë shëruar 168 persona, ndërkohë që prej fillimit të pandemisë në këtë vend janë infektuar 22,170 persona dhe prej tyre 815 kanë vdekur, 16,758 janë shëruar kurse raste aktive janë 4,597.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
