Kryeministri Edi Rama ka reaguar për herë të parë mbi protestën e zhvilluar dje nga opozita në bulevardin “Dëshmorët e Kombit”.
Kreu i qeverisë ka publikuar në Tiwtter pamje nga shkallët e Kryeministrisë të bëra me bojë nga mjetet piroteknike që hodhën protestuesit.
Në videon e publikuar shfaqen po ashtu punonjësit e bashkisë teksa pastrojnë bojën, që Rama e konsideron si “zhgarravinë të revolucionit”.
“Dje zhgarravinat e revolucionit, sot dushi i regjimit, nesër nis një javë e re punësh të mira”, shkruan Rama.
Kujtojmë që kreu i PD Berisha ka paralajmëruar se tubimi i djeshëm do të jetë vetëm fillimi i një vale protestash. Nesër Partia Demokratike dhe Partia e Lirisë pritet të protestojnë sërish para godinës së Kuvendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
