Kriza politke, McCain dhe Fleckenstein tjetër mesazh PD-së: Hyni në zgjedhje! (VIDEO)

Ndërkombëtarët vijojnë të jenë të angazhuar për të zgjidhur ngërçin në politikën shqiptare, pasi situata duket mjaft e tensionuar.

Kjo për faktin se opozita e ka bërë të qartë tashmë vendimin për të mos marrë pjesë në zgjedhjet parlamentare të 18 qershorit, në rast se kryeministri Rama nuk pranon kushtin për t’i hapur rrugën krijimit të një qeverie teknike pa të në krye.

Eurodeputeti Knut Fleckenstein, i angazhuar personalisht për zgjidhjen e ngërcit politik në Shqipëri, ka diskutuar sëfundmi për këtë problem edhe me senatorin amerikan John McCain.

Lajmin e ka bërë të ditur vetë eurodeputeti përmes një postimi në rrjetin social “Twitter”.

“Pata një bisedë konstruktive me senatorin John McCain në Uashington. Qëndrimi ynë sa i takon situatës në Shqipëri është i qartë. Ne i kërkojmë PD të marrë pjesë në zgjedhjet e ardhshme”, ka shkruar Fleckenstein në profilin e tij.