Policia ka arrestuar një 33-vjeçar nga Bathorja, pasi akuzohet se ka përndjekur e ngacmuar seksualisht një adoleshente.
Sipas bluve të kryeqytetit, në pranga ka rene shtetasi Sh.M., 33 vjeç, banues në Bathore.
Arrestimi i tij është bërë pasi në mënyrë të vazhdueshme, në kohë dhe vende të ndryshme, ka përndjekur e ngacmuar seksualisht 16-vjeçaren G.D., banuese në Tiranë.
Pas denoncimit që i ka bërë adoleshentja nuk ka vonuar dhe arrestimi i 33-vjeçarit i cili është kapur në flagrancë.
Ndaj 33-vjeçarit rëndon akuza për veprat penale të përndjekjes dhe ngacmimit seksual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
