Të paktën 21 persona kanë humbur jetën dhe gjashtë të tjerë janë zhdukur pas një përmbytjeje dhe rrëshqitje dheu pas shirave të rrëmbyeshëm në periferi të qytetit veriperëndimor të Xi’an të Kinës.
Një lajm i tillë bëhet i ditur nga Zyra lokale e Menaxhimit të Emergjencave përmes një njoftimi, sipas të cilit rrëshqitja e dheut në një fshat malor ka shkaktuar edhe ndërprerje të energjisë elektrike duke prekur 900 familje dhe ka dëmtuar rrugë, ura dhe infrastrukturë komunikimi.
Gati një mijë ekipe shpëtimi kanë shkuar në vendngjarje dhe deri më tani kanë evakuuar 186 persona.
Ndërkohë si pasojë e rrëshqitjeve të dheut dy shtëpi u shkatërruan totalisht.
Disa zona në Kinë kanë parë temperatura rekord dhe përmbytje të rënda në javët e fundit që kanë vrarë të paktën 29 njerëz në provincën Hebei dhe 33 në kryeqytetin Pekin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
