Ministri rus i Punëve të Jashtme, Serguei Lavrov, njoftoi se Rusia shpreson të bashkëpunojë me Irakun për të penguar xhihadistët e grupit Shteti Islamik (ISIS), të grumbulluar në Mosul, që të largohen drejt Sirisë.
“Ne kemi interes të bashkëpunojmë dhe të marrim masat me kolegët tanë irakianë për të penguar tërheqjen e terroristëve bashkë me armët e tyre nga Mosuli drjet Sirisë”, deklaroi Lavrov gjatë një konference për shtyp, në përfundim të një takimi me homologët e tij iranianë dhe sirianë, Mohammad Javad Zarif dhe Walid Mouallem.
Shefi rus i diplomacisë shtoi se Moska do të bisedojë për këtë çështje edhe me Uashingtonin dhe anëtarët e tjerë të koalicionit ndërkombëtar që mbështesin forcat irakiane në ofensivën e tyre kundër Mosulit, qyteti i dytë më i madh në Irak dhe bastioni i fudnit xhihadist në këtë shtet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
