“Tani duhet të lëvizim shpejt dhe ne do ta bëjmë”. Kështu tha presidenti amerikan Joe Biden në deklaratën e bërë në Shtëpinë e Bardhë të mërkurën, pas nënshkrimit të ligjit prej 95 miliardë dollarësh për ndihmë dhe armë për Ukrainën, Izraelin dhe Tajvanin, duke deklaruar se tani “Shtetet e Bashkuara të Amerikës do të dërgojnë ndihmën që i nevojitet për të vazhduar luftën”.
Do të sigurohem që dërgesat të fillojnë menjëherë në orët në vijim. Do të fillojmë të dërgojmë municione për mbrojtjen ajrore, artileri, sisteme raketore dhe automjete të blinduara.
Kjo paketë është një investim jo vetëm në sigurinë e Ukrainës, por edhe në Evropë dhe në sigurinë tonë.
Biden iu referua faktit se ky ligj vjen shumë muaj pas kërkesës së tij për fonde vjeshtën e kaluar.
Rruga për në tavolinën time ishte e vështirë, duhej të kishte mbërritur më shpejt, por në fund bëri atë që bën gjithmonë Amerika, u ngrit në rastin tim.
Ndërsa për muaj të tërë republikanët bllokuan ndihmën dhe ukrainasve u mbaruan artileritë dhe municionet, miqtë e Putinit e mbanin atë të furnizuar mirë.
Iranianët dërguan dronë, Koreja e Veriut dërgoi raketa balistike, Kina dërgoi elementë për të forcuar prodhimin.
e gjithë këtë mbështetje, Rusia ka rifilluar sulmet ndaj qyteteve dhe infrastrukturës së Ukrainës.
Nëse Putini sulmon një aleat të NATO-s siç po sulmon Ukrainën, ne nuk do të kishim zgjidhje tjetër veçse t’i ndihmonim.
Paketa e nënshkruar nga Biden përmban edhe një ndihmë të re ushtarake për Izraelin.
Angazhimi im ndaj Izraelit, është i hekurt. Dua të sigurohem se ka atë që i nevojitet për të mbrojtur veten kundër Iranit dhe terroristëve që ai mbështet.
Me këtë ndihmë Shtetet e Bashkuara mbështesin mbrojtjen ajrore dhe sistemet vendimtare në mënyrë që Irani nuk mund të kryejë shkatërrimin që synonte 10 ditë më parë.
Presidenti amerikan foli për një miliardë dollarë ndihmë shtesë për Gazën për të siguruar menjëherë një rritje të ndihmës, e cila përfshin ushqime dhe furnizime mjekësore.
Izraeli duhet të sigurojë që ndihma të arrijë tek palestinezët dhe Gaza pa vonesë.
Çdo gjë që bëjmë ka si qëllim sjelljen e pengjeve në shtëpi, sigurimin e armëpushimit dhe vendosjen e kushteve për paqe të qëndrueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
