‘Të shtojmë dhe të zgjerojmë kapacitetet tona të armëve bërthamore’, ka qenë kjo thirrja e Presidentit të ardhshëm të Shteteve të Bashkuara, Donald Trump, i cili nëpërmjet një postimi në rrjetin social "Twitter", ka paralajmëruar se do të angazhohet maksimalisht në këtë kategori armësh.
Duke përdorur një retorike krejtësisht të kundërt nga ajo e Presidentit Obama, Trump nënvizon se SHBA duhet të forcohet edhe më tej, deri në momentin që bota të ndërgjegjësohet mbi këtë çështje.
Aktualisht SHBA mbetet vendi i dytë me më shumë armë bërthamore pas Rusisë.
Përllogaritet se në total, Uashingtoni ka nën kontroll 7.100 mbushje bërthamore, teksa Rusia numëron plot 7.300 të tilla.
E megjithatë, ekspertët shprehen se Shtetet e Bashkuara vijojnë të mbeten në avantazh në këtë specter, pasi kanë sisteme shumë herë më të mira për lançimin e bombave bërthamore.
Deklarata e Donald Trump erdhi vetëm pak orë pas një proncimi të Presidentit rus, Vladimir Putin, i cili theksoi se Moska do të fokusohet më shumë në forcimin e kapaciteteve të mbrojtjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
