Pavarësisht protestave në rrugë dhe takimit dje me kryeministrin, Parlamenti i dha dritën jeshile paketës fiskale. Me këtë të fundit definitivisht vendoset TVSH 10% mbi inputet bujqësore duke rritur direkt koston e fermerëve, ndërkohë që nga ana tjetër hiqet kompensimi 6 për qind i TVSH-së për ta. Në studion e lajmeve të MCN TV, gazetari Klodian Tomorri tha se me fermerët janë kategoria më e goditur nga paketa e re fiskale.
Skema e propozuar tani krijon një darë për fermerin. Krijohet një zinxhir TVSH që nga njëra anë i merr fermerit para dhe nga ana tjetër nuk e lejon të shkarkojë apo ta kompensojë këtë TVSH. Është një skemë e padrejtë, ekonomikisht jo eficiente dhe që rrit kostot. E gjithë paketa fiskale e vitit 2022, fermerët janë kategoria më e goditur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
