Të shtëna me armë zjarri drejt një makine në Mamurras, dy të plagosur/ Emrat

Dy persona kanë mbetur të plagosur si pasojë e disa të shtënave me armë zjarri drejt një makine në Mamurras.

Në orët e para të mëngjesit, rreth orës 01:45 në Mamurras, pas një konflikti Andi Diva, dhe Kastriot Llesaj, kanë qëlluar me armë zjarri në drejtim të automjetit tip “Honday” duke plagosur Andi Skonja, 39 vjeç, banues në Durrës, Gentian Diva, 40 vjeç, banues në Fushë- Mamurras, të cilët janë transportuar në spitalin e Traumës Tiranë dhe ndodhën nën kujdesin mjekësor.

Shërbimet e policisë menjëherë kanë shkuar në vendngjarje dhe falë veprimeve të shpejta hetimore kanë berë identifikimin e autorëve të dyshuar dhe arrestimin e njërit prej tyre.

Nga ana e uniformav blu u bë arrestimi në flagrancë i Andi Divës, 19 vjeç, banues në Mamurras, si dhe u bë shpallja në kërkim dhe vijojnë kontrollet për kapjen e Kastriot Lleshaj, 50 vjeç, banues në Mamurras.

Gjatë kontrollit të banesës të ushtruar në banesën e Divës, shërbimet e policisë gjetën dhe sekuestruan një armë zjarri pushkë, me krehër dhe 20 fishekë.

Ndërkohë grupi hetimor punon për sqarimin e plotë të shkakut dhe rrethanave të ngjarjes.