Presidenti rus Vladimir Putin ndoqi meshën ortodokse të Krishtlindjeve gjatë natës në Kishën e Imazhit të Shpëtimtarit, në rezidencën e tij në Novo-Ogaryovo, në periferi të Moskës, ku ftoi familjet e disa prej ushtarëve të vrarë në Ukrainë.
Zëdhënësi i Kremlinit Dmitri Peskov tha se në pragun e Krishtlindjeve Putin “pati një bisedë të thellë me familjet, bisedoi si me vejushat, ashtu edhe me fëmijët në Novo-Ogaryovo dhe më pas i ftoi në darkën e Krishtlindjeve”.
Në fjalimin e tij të urimit, Presidenti theksoi se heronjtë tanë që shërbejnë në operacionin special ushtarak meritojnë respektin tonë më të sinqertë dhe më të thellë.
Takimi me familjet e ushtarëve të vrarë në konflikt vjen pas parashikimit tragjik të Ministrisë britanike të Mbrojtjes se, deri në vitin 2024 dhe nëse vdekjet në radhët e ushtrisë së Moskës vazhdojnë me këtë ritëm, Rusia rrezikon të humbasë më shumë se 500 mijë burra në Ukrainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
