GJKKO ka pranuar kërkesën e Fredi Belerit dhe i ka kërkuar SPAK të regjistrojë procedim penal dhe të vijojë kryerjen e veprimeve hetimore ndaj ish-ministres së Jashtme Olta Xhaçka dhe bashkëshortit të saj Artan Gaçe.
Sipas vendimit të datës 28 shkurt 2025, GJKKO kërkon që SPAK të hetojë Olta Xhaçkën (kandidate për deputete e PS-së) dhe bashkëshortin e saj Artan Gaçi për veprat penale “Shpërdorimi i detyrës”, “Falsifikimi i dokumenteve”, dhe “Pastrimi i produkteve të veprës penale” të kryer në bashkëpunim.
Eurodeputeti Fredi Beleri ka bërë një kallëzim ndaj Xhaçkës dhe Gaçit në SPAK për çështjen e tjetërsimit të pronave në Himarë.
Në kallëzimin e tij, Beleri kërkonte ‘shfuqizimin e vendimit/shkresës nr. Prot 22920/1 datë 27.12.2024 të Prokurorisë së Posaçme për Korrupsionin dhe Krimin e Organizuar, me të cilin njoftohet mosfillimi i procedimit penal ndaj shtetasve të kallëzuar Olta Xhaçka dhe Artan Gaçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
