Një ngjarje e rëndë ka ndodhur mëngjesin e sotëm në Ivrea, në rajonin e Piemontes në Itali. Një 53-vjeçar ka vrarë veten, teksa ishte duke folur në video me vajzën e tij 6-vjeçare.
Veprimi i tij, sipas autoriteteve italiane, është cilësuar si një ndëshkim për ish-bashkëshorten.
Viktima ishte denoncuar nga ish-gruaja për dhunë, ndërsa para se të kryente aktin e vetëvrasjes ai kishte lënë një shënim për familjen. Në këtë shënim, ai fajësonte ish-gruan, ku sipas tij ishte shkaku që e çoi deri në vetëvrasje.
Gjatë verës gruaja dhe tre fëmijët, të gjithë minorenë, u vendosën nën masën e mbrojtjes pas dhunës së ushtruar nga 53-vjeçari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
