Eksperti i sigurisë Fatjon Softa deklaroi në studion e emisionit “Fact Check” se policët që kanë përdorur aplikacionin "Sky Ecc" dhe "EncroChat" nuk do ta pranojnë këtë gjë në formularin e vëtëdeklarimit.
Duke vijuar më tej, Softa tha Ministria e Brendshme nuk i ka kapacitetet për të zbuluar se kush e ka pasur këtë aplikacion, pasi nëse do e kishte nuk do ishte nevojë që të zgjidhej metoda e formularëve.
Është një numër i dhënë nga AMP dhe nuk e dimë ky numër është më i madh se presim edhe zbërthimin e aplikacionit 'Sky Ecc' dhe 'Encrochat' i cili do ta thellojë dhe do të japë më shumë fakte për përfshirjen e organizatës apo % e organizatës në krim.
Edhe grupet kriminale që ngrihen nuk ngrihen thjesht për të bërë një aktivitet kriminal, por qëllimin e tyre ekonomik e kanë.
Sepse fillojnë nga veprat penale të vogla. Lufta është për para, për ekonomi, dhe lufta mes bandave është për influence ekonomike, për influencë territoriale.
Qëllimi i tyre është ekonomia, pasja e një ekonomie me çdo metodë, me çdo kusht. Kanë filluar nga krimet e vogla, nga vjedhjet, nga grabitjet nga kultivimi i lëndëve narkotike, nga brenda territorit pastaj dalja në tregjet e mëdha ndërkombëtare, pastaj lidhja me grupet e politikës.
Të gjitha ata persona që janë të pastër dhe nuk janë marrë me këtë sistem e kanë shumë të thjeshtë, 'thonë ma jep se do ta plotësoj'. Ata persona që e kanë përdorur nuk do të jenë “të sinqertë” se kjo automatikisht do i krijojë probleme.
Ministria e Brendshme nuk e ka këtë kapacitet për të zbuluar se kush ka pasur aplikacionin “Sky” se nëse do e kishte nuk do kishim nevojë të shkonim tek deklarimi, do shkonim tek personat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
