Taulant Balla, kreu i grupit parlamentar të PS, përmes një deklarate për mediet nga kryesia e Kuvendit u shpreh sot se, “mazhoranca rrëzoi dekretin e Presidentit të Republikës, Ilir Meta, pasi ky dekret u vlerësua si një përpjekje për ta futur vendin në një spirale të rrezikshme 180 ditë përpara zgjedhjeve”.
“Kuvendi i Shqipërisë përmes Komisionit të Ligjeve ka rrëzuar dekretin e Presidentit të Republikës për Kodin Zgjedhor, të shumta janë argumentet e rrëzimit që shoqërojnë dekretin, por ajo që dua të them është se rezultati i përket shumicës së deputetëve të Kuvendit për t’i dhënë rrugë hyrjes në fuqi të ndryshimeve në Kod. Duhet refuzuar përpjekja e Metës për ta futur vendin në një spirale të rrezikshme sa kohë që janë më pak se 180 ditë në dispozicion”, u shpreh Balla.
Fill pas kwsaj deklarate, Presidenca i përgjigjet kreut të Grupit Parlamentar të PS, Taulant Balla.
Zëdhënësi i Presidentit Meta, Tedi Blushi, i drejtohet Ballës, duke i kërkuar të reflektojë dhe të thellohet deri të enjten. Përplasja mes Presidencës dhe Qeverisë ka të bëjë me ndryshimet kushtetuese, teksa Meta kërkon që të merret opinioni i Venecias, ndërsa mazhoranca refuzon.
“Z.Balla, reflektoni dhe thellohuni deri të enjten! Presidenti e dëgjoi thirrjen e Europës! Dëgjojeni edhe ju! Boll e morrët peng të ardhmen europiane të Shqipërisë!”, shkruan Blushi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
