Një situatë katastrofike po vijon prej ditësh në zonën e Lytton në Kanada, ku temperaturat e larta i kanë lënë vendin zjarreve të frikshme që kanë shkatërruar gjithçka që u ka dalë përpara.
Autoritetet e rajonit të British Columbia, i cili këtë javë shënoi temperaturën 49.6 Celsius raportojnë se pothuajse 90% e fshatit tashmë është shkrumbuar dhe dëmet janë të pallogaritshme.
Edhe kryebashkiaku i Lytton shprehet se është një fat i madh që ka shpëtuar pasi për një kohë të shkurtër e gjeti veten të rrethuar nga flakët.
“Nuk do të mbetet shumë gjë nga Lytton. Zjarret janë anembanë”, tha kryebashkiaku Polderman.
Banorët u larguan të mërkurën, shumë pa sendet e tyre, ndërsa tymi dhe flaka përfshinë fshatin, i cili ka shtëpitë e rreth 250 njerëzve dhe ndodhet rreth 260 km (162 milje) në veri-lindje të Vancouver.
"Brenda rreth 15 minutash i gjithë qyteti u përfshi nga flaka. Njerëzit morën vetëm kafshët shtëpiake, kapën çelësat e tyre dhe hipën në makina dhe ikën", i tha Polderman BBC.
Ekspertët thonë se ndryshimi i klimës pritet të rrisë frekuencën e ngjarjeve ekstreme të motit, të tilla si valët e nxehtësisë. Sidoqoftë, lidhja e çdo ngjarjeje të vetme me ngrohjen globale është e komplikuar.
Lytton këtë javë regjistroi temperaturën më të lartë të vendit ndonjëherë prej 49.6C (121.3F). British Columbia, në Kanadanë perëndimore, regjistroi 486 vdekje gjatë pesë ditëve krahasuar me një mesatare prej 165 në kohë normale.
Temperaturat janë lehtësuar në zonat bregdetare të Kanadasë por nuk ka shumë pushim për rajonet e brendshme. Sistemi i motit tani po lëviz drejt lindjes mbi provincat Prairie - Alberta dhe Saskatchewan dhe pjesë të Manitoba janë paralajmëruar lidhur me motin e nxehtë në Kanada.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
