Presidenti rus Vladimir Putin ka paralajmëruar Perëndimin të mos kalojë "vijën e kuqe" me Rusinë dhe dënoi atë që ai e quajti një komplot për grusht shteti kundër Bjellorusisë.
Paralajmërimi erdhi në fjalimin e tij vjetor mes tensionit të shtuar me Perëndimin mbi Ukrainën dhe kritikun e burgosur të Putinit, Alexei Navalny.
"Përdorimi i sanksioneve të padrejta po rritet në diçka më të rrezikshme, një përpjekje për grusht shteti në Bjellorusi," tha ai.
Ai mbështet Presidentin Bjellorus Aleksandër Lukashenko, i cili përballet me kundërshtime të mëdha.
Më 17 Prill autoritetet Bjelloruse njoftuan se kishin prishur një komplot të mbështetur nga SHBA për të vrarë Presidentin Lukashenko. Shërbimi Federal i Sigurisë i Rusisë (FSB) tha se kishte arrestuar dy Bjellorusë të dyshuar të përfshirë në komplot.
Pretendimi për grusht shteti u hodh poshtë nga udhëheqësja e opozitës Bjelloruse Svetlana Tikhanovskaya si një "provokim".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
