Forcat e Mbrojtjes së Izraelit (IDF), kanë vrarë gabimisht tre pengje në Rripin e Gazës.
Zëdhënësi i IDF-së, Daniel Hagari thotë se gjatë betejave në Shejaiya të Gazës veriore mëngjesin e së premtes, trupat izraelite identifikuan gabimisht tre pengje izraelite si kërcënim dhe hapën zjarr ndaj tyre, duke i vrarë.
Hagari thotë se IDF mban përgjegjësinë për “incidentin tragjik”.
Hagari jep emrat e pengjeve si Yotam Haim, i cili u rrëmbye nga Hamasi nga Kfar Aza, dhe Samar Talalka, i cili u rrëmbye nga Nir Am. Pengu i tretë nuk u identifikua, pas kërkesave të familjes së tij.
I pyetur se si pengjet mundën t’i shpëtonin Hamasit, Hagari thotë se ushtria beson se ata mund të kenë ikur ose janë braktisur nga terroristët që i mbajtën rob.
Në deklaratën e tij, Hagari thotë se pas të shtënave, gjatë një skanimi dhe ekzaminimi, u ngrit dyshim i menjëhershëm për identitetin e të vdekurve dhe trupat e tyre u transferuan me shpejtësi për ekzaminim në Izrael, ku u identifikuan si pengje.
Kjo është një ngjarje e trishtuar dhe e dhimbshme për të gjithë ne dhe IDF mban përgjegjësi për gjithçka që ndodhi.
Kjo është një ngjarje tragjike, e cila ndodhi në një zonë beteje ku trupat u ndeshën me shumë terroristë ditët e fundit dhe sot u zhvilluan beteja të vështira.
Në disa raste, janë hasur kamikazë, si dhe sulme në të cilat terroristët përpiqeshin të joshnin forcat tona dhe t’i tërheqin në pritë.
Menjëherë pas ngjarjes tragjike, një tjetër takim me terroristët ndodhi pranë vendit të ngjarjes.
IDF shpreh dhimbje të thellë për fatkeqësinë dhe ndan dhimbjen e familjeve. Qoftë i bekuar kujtimi i tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
