Ish-Kryeministri Sali Berisha ndodhet në “arrest shtëpie” qysh prej 30 dhjetorit dhe paraditen e sotme efektivë të policisë janë parë pranë banesës së tij, teksa i kanë shkuar për kontroll për të parë nëse po e zbaton masën e sigurisë.
Më konkretisht mësohet se ka qenë drejtori i Krimit Ekonomik në Tiranë, Eron Ismaili, ai që ka shkuar në banesën e Berishës, në rrugën “Mustafa Metohiti’ në Tiranë, i shoqëruar nga efektivë të policisë.
Kujtojmë se më 30 dhjetor GJKKO pranoi kërkesën e SPAK, duke bërë që ish-Kryeministrit të qëndrojë brenda mureve të shtëpisë.
Ish-Kryeministri Sali Berisha është person nën hetim në çështjen mbi procedurat e privatizimit të ish kompleksit sportiv “Partizani”, i cili po hetohet nga SPAK për korrupsion pasiv.
Vendimi lidhur me ashpërsimin e masës së sigurisë nga “detyrim paraqitje” në “arrest shtëpie” erdhi për shkak se lideri demokrat, nuk u paraqit asnjëherë para organeve të drejtësisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
