Gjendja shëndetësore e 22-vjeçares keniane me emrin Joy, e dhunuar në rrethana misterioze, vijon të paraqitet e rëndë.
Gazetari i MCN, Besmir Pula duke raportuar nga Spitali i Traumës bën me dije se gjendja e saj vijon të jetë kritike për jetën dhe se ka nevojë për kurim jashtë vendit.
Mbahet në jetë nën mbështetjen e oksigjenit, pa të e ka të pamundur të jetojë. Ka ardhur në gjendje kome më 13 gusht, pas disa javësh ka dalë nga koma, por vijon në gjendje të rëndë shëndetësore të përkeqësuar.
Mjekët e Spitalit të Traumës kanë arritur në konkluzionin se duhet dërguar në një vend jashtë për kurim.
Gjendja e saj është me politraumë në të gjithë trupin, pjesën e legenit, krahët, koka, shpina.
Raportohet se në Spitalin e Traumës nuk ka siguri të shtuar për të renë keniane, e cila prej më se gjashtë muajsh kishte ardhur në Shqipëri dhe punonte në një kazino.
Ndërkohë që çështja është ende nën hetim, nuk dihet nëse janë marrë në pyetje pronarët e kazinosë ku punonte, teksa avokati i të dhunuarës ka bërë të ditur se ka dërguar kërkesë për informacion në Prokurori, por nuk ka marrë përgjigje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
