Skandali i mbetjeve të eksportuara, Zhabina: Transporti i tyre vijon prej vitit 2018 (VIDEO)

<p>100 kontejnerë me mbetje të nisur nga porti i Durrësit pritet të kthehen këto ditë. Në studion e lajmeve, gazetari Xhevahir Zhabina tha se shtetit shqiptar është i detyruar t’i presë sepse detyrohet nga marrëveshje të cilat i ka nënshkruar.</p> <blockquote> <p><em>Kanë qenë media të rëndësishme si Bloomberg që e kanë denoncuar të parat. Një gjë është e sigurt: Shqipëria është vendi i origjinës i këtyre mbetjeve. Do t’i takojë shtetit shqioptar për të përcaktuar procedurën që do të ndiqet. Disa marrëveshje ndërkombëtare që Shqipëria i ka firmosur e detyrojnë t’i marrë në dorëzim. </em></p> </blockquote> <p>Zhabina tha më tej se ka prova që transporti i këtyre mbetjeve toksike vijon që prej vitit 2018.</p> <blockquote> <p><em>Të gjitha faktet dhe provat rrotullohen rreth Kurumit. Është e vetmja industri në vendin tonë që mund të prodhojë këto lloj mbetjesh. Ato janë oksid zinku që del nga industria hekurpunuese. Janë përdorur kontejnerë për t’i dërguar në portin e Durrësit. Ka dyshime që këto mbetje do të hidheshin. Hetimet i nisi {Prokuroria e Durrësit, akuza është kontarbandë me mallra të ndaluara. Edhe policia e Durrësit ka bërë një kallëzim nga ana e saj për shpërdorim detyre.</em></p> </blockquote> <blockquote> <p><em>Duket që transportimi i këtyre mbetjeve ka vazhduar që nga viti 2018. Kemi një kallëzim të këtij viti nga një kompani private që ka kallëzuar përfaqësues të kompanisë Sokolaj. Këtu kemi përfshirjen e Kurum që ka kërkuar që sasitë e pluhurit të zinkut të depozitohen në ambientet e kompanisë Sokolaj. Prokuroria e Durrësit nuk ka nisur hetime duke e cilësuar konflikt civil, por kjo nxjerr në pah bashkëpunimin e kompanisë Kurum dhe Sokolaj. Hetimet e prokurorisë do të përcaktojnë nëse kemi të bëjmë me një prestanome. </em></p> </blockquote> <iframe width="560" height="315" src="https://www.youtube.com/embed/wBobZIfuw2M?si=uxu2iarX0q08cOrV" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>