Emisioni “Fol” i gazetarit Erjon Skëndaj u ndal sot në fshatin Kurcaj në komunën Nikël, që është në prag tragjedie. Gurë gjigantë që janë shkëputur nga pjesa e sipërme e kodrës, duke rënë pak metra larg banesave. Banorët kërkojnë që shteti të sjellë ekspertë vlerësimi.
Beqir Caci duke folur për MCN TV thotë:
Guri ka rënë 3-4 metra në afërsi të shtëpisë, para katër netësh. Gjatë darkës, ishim të gjithë në shtëpi, 4 pjesëtarë të familjes. Unë për fat dëgjova zhurmën e gurit, i thashë gruas: Gur por dalim. Asnjëri s’arritëm të dalim. Sikur të kisha dalë, do kisha vdekur, presioni i gurit nxori gurë, dhe, dhe shpartalloi dyert. Kemi shpëtuar për qime, edhe i them vetes s’i jam gjallë. Gur gjigant, s’ka bërë vaki ndonjëherë. I jam drejtuar bashkisë që kur ka qenë Berisha në pushtet. Më akorduan gjasme 2 milionë lekë të vjetra, më dhanë 500 mijë”.
Një tjetër banor vë në dukje se:
Ne jemi 80-100 familje nën këto rrënoja që po bien. Këtu është një problem shumë shumë i madh, për shumë familje, jo vetëm për këtë që i shkoi në shtëpi dhe e ruajti Allahu. Shtetit i kërkojmë të marrë masa urgjente dhe të na lajmërojë. Nëse ka rreziqe ne të paktën të largohemi, të mos mbetemi viktima”.
Banorët bëjnë me dije se edhe rrugën e fshatit e kanë hapur vetë, pa ndihmën e autoriteteve shtetërore. Ndër të tjera ata ngrenë shqetësimin se kanë mbetur pa burim uji dhe nuk kanë ku të mbushin ujë.
Banori Astrit Bikteshi, shtëpia e të cilit është prekur nga tërmeti thotë se:
"Kam marrë vetëm 2 milionë e gjysmë, për shtëpinë e dëmtuar nga tërmeti. Me ato lekë bëra vetëm një suvatim. Të bashkisë thanë që nuk meriton më shumë. Inxhinieri foli mirë”.
Muharremi, një tjetër banor i fshatit, thotë se:
"Rinia është larguar shumë, unë s’kam takat të punoj më. Brezi i ri i gjithi në të zezë ka punuar, se si do jetojë pa pension s’e di”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
