Fondi i Komisionit Evropian në vlerë 120.5 milionë € për Shqipërinë konsiderohet i nevojshëm për zhvillimin ekonomik që sjellë funksionimi i hekurudhave në vend.
Gazetari i ekonomisë Klodian Tomorri në studion e “MCN economy, tha se krahas aeroporteve, vijnë si nevojë e zhvillimeve ekonomike.
Sipas tij ato janë fronti i ardhshëm i investimeve publike në vend.
Aeroportet kanë ardhur si nevojë e zhvillimeve ekonomike. Sigurisht që këto zhvillime ekonomike imponojnë nevojën edhe për ndërtimin e hekurudhave shqiptare. Kemi një hekurudhë sot që është totalisht e amortizuar, një rrjet hekurudhor të amortizuar, kemi një ndërmarrje hekurudhore e cila është e falimentuar.
Tani ka ardhur koha për shkak të proceseve integruese që përkoje lidhjen e rrjeteve me transportet ndërkombëtar dhe unë mendoj se hekurudhat do të jene fronti i ardhshëm i investimeve publike, pra, pas investimeve ne rruge, autostrada të vendit, tashme hekurudhat do të marrin një rol parësor në financimet buxhetore dhe publike.
Teksa fondet e Be-së për Shqipërinë do të shkojnë për rindërtimin e 33.5 km hekurudhë që lidh Durrësin me Rrogozhinën, gazetari i ekonomisë Tomorri, numëron projektet që janë në rrugë për tu investuar.
Është filluar me Durrës-Tiranë, një projekt që po financohet me paratë e donatorëve dhe që do jetë një projekt shumë fizibël, pastaj vazhdohet me hekurudhën Durrës-Rrogozhinë që është pjesë e një korridori më të gjerë, korridorit 8 që hyn në rrjedhat prioritete të BE, pastaj projektin hekurudhor Vorë-Hani i Hotit për tu lidhur me Malin e Zi.
Dhe pastaj projekti që lidhë Durrësin me Prishtinë edhe tani ka në plan ndërtimi i një hekurudhe madje është zhvilluar tender dhe është përzgjedhur kompania për studimin e fizibilitetit, por këtu kemi të bëjnë me financim të konsiderueshëm që kërkohet 700 milion € , dikur me paraprake janë që të financohet nga buxhetet e të dyja vendet por besoj e do të ishte e vështirë nëse nuk ka financim nga partnerët ndërkombëtar.
Finalja është që ka ardhur momenti që të investohet në rrjetin hekurudhor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
