Vullkani Nyiragongo, një nga më të rrezikshmit në botë sipas ekspertëve, i cili ndodhet disa kilometra nga Goma, në Republikën Demokratike të Kongos, është riaktivizuar me shpërthime të forta.
Mijëra njerëz po largohen drejt kufirit me Ruandën, ndërsa autoritetet bëjnë thirrje për qetësi. "Të paktën tre mijë kongolezë dhe banorë në qytetin kufitar të Gomas po lëvizin në qytetin Rubavu, Ruanda", shkruan Agjencia e Transmetimit të Ruandës (RBA). Në vitin 1977, vullkani shkaktoi më shumë se 600 vdekje.
Shpërthimi në orën 7 pasdite me kohën lokale ngjyrosi qiellin me të kuqe, duke shkaktuar panik në mesin e banorëve të qytetit prej gati 2 milionë njerëzish. Në vend ka frikë dhe konfuzion, pasi shpërthimi i fundit i të njëjtit vullkan në 2002 shkaktoi qindra vdekje dhe la rrugët dhe pistat e aeroportit të mbuluara me lavë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
