Ish-kryeministri japonez Shinzo Abe u qëllua dhe u plagos gjatë një aktiviteti zgjedhor në prefekturën Nara në Japoninë qendrore.
Abe u rrëzua përtokë teksa mbante një fjalim dhe u transportua menjëherë në spital.
Siç raportojnë mediatlokale, duke cituar autoritetet, Abe nuk tregon shenja jete në testet e para të bëra në funksionin e zemrës dhe mushkërive.
Autori i dyshuar i të shtënave është një 41-vjeçar, Tetsuya Yamagami, me origjinë nga zona ku ndodhi sulmi.
Yamagami është ish-anëtar i Forcave Detare të Mbrojtjes, i Marinës Japoneze. I dyshuari u arrestua me akuzën e tentativës për vrasje. Sulmuesi, i armatosur me një pushkë gjysmë automatike, dyshohet prodhim artizanal, ka plagosur edhe persona të tjerë.
Abe ishte i angazhuar në një takim elektoral dhe u rrethua nga qindra persona kur i dyshuari qëlloi të paktën dy të shtëna me armë nga afër, duke e goditur ish-Kryeministrin në shpinë dhe në qafë. Abe u rrëzua në tokë, i gjakosur. Ngjarja ndodhi rreth orës 11:30 me orën lokale ose 4:30 me orën tonë. Ish-Kryeministri u shtrua në spital me arrest kardiorespirator rreth 15 minuta pas të shtënave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
