Në kuadër të hetimeve për përmbytjet në Durrës, Prokuroria sekuestruar disa dokumentacioneve në bashkinë e Durrësit që lidhen me procedurat e tenderimit për rehabilitimin e argjinaturës së lumit Erzen. Çarja e argjinaturës së lumit Erzen përmbyti kryesisht fshatrat Katund i Ri, Sukth dhe Fllakë ku përveç tokave bujqësore, nuk kurseu as banesat. Rreth 1 mijë banesa përllogariten të prekura nga përmbytjet, mbi 300 banorë u evakuuan dhe mbi 300 biznese u dëmtuan. Në një intervistë për MCN TV, inxhinieri Fitim Ballo tha se drejtësia duhet të gjejë përgjegjësin, pasi nuk është vetëm argjinatura e Erzenit ajo që u dëmtua. Ballo tha se gjithѯka nis nga mungesa e studimeve para projektimit të veprave të tilla.
Lëvizje shumë me vend. Nuk ndodhi vetëm në Erzen. U çanë të gjtha argjinaturat e lumenjve. Duhet gjetur tamam çelësi nga se shkaktohen këto përmbytje. I kujt është faji?
Erzeni është lumë i rrëmbyeshëm. Ai ka pjerrësi të madhe. Prurja nga të dhënat që kemi është 1600 m3 në sek në Sallmone. Reshjet me 1% siguri janë 180 mm. Por këtu nuk ka matje, si ta përcaktojë projektuesi? Në bazë të këtyre bëhet ndërtimi. A ka studime për këtë argjinaturë? Ka topografi, hidrologji?
Problemi më i madh është projektimi. Inxhinierët nuk bënin argjinatura dikur pa pasur të paktën 10 vjet përvojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
