Të paktën 10 sulme xhihadiste u parandaluan në Europë gjatë vitit 2023 nga shërbimet e inteligjencës, në një kohë që lufta mes Izraelit dhe grupit militant palestinez Hamas ka rritur kërcënimin e sulmeve të tilla.
Një shifër e tillë u bë e ditur të martën nga agjencia holandeze e inteligjencës AIVD, në raportin vjetor të saj.
Siç raporton Reuters, sulmet e parandaluara përfshinin një plan për të goditur me thikë njerëz në mënyrë rastësore si dhe sulm ndaj ndërtesave dhe ngjarjeve specifike ku kishte grumbullime.
Suedia e ngriti alarmin e ngjarjeve terroriste në nivelin e dytë më të lartë në muajin gusht, pasi djegiet e Kuranit dhe aktet e tjera në vend që synonin librin e shenjtë të Islamit zemëruan myslimanët dhe shkaktuan kërcënime nga xhihadistët.
Në tetor, dy tifozë suedezë të futbollit u qëlluan për vdekje në Bruksel, dyshohet nga një person i cili e identifikoi veten si anëtar i grupit xhihadist të Shtetit Islamik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
