Ish-kryetari i LSI-së dhe president i zgjedhur, Ilir Meta, ka mbërritur në Lezhë, për të takuar nga afër aktivistin e partisë së tij, i cili u plagos sot nga persona të paidentifikuar para një qendre votimi.
Edhe pse një ditë në të cilë thirrjet e karakterit politik shmangen, Meta nuk i ka kursyer akuzat ndaj PS-së dhe ka bërë thirrje që “shqiptarët të ngrihen kundër bandave të Rilindjes”.
“Kam ardhur të mbroj votën e lezhjanëve. Të ngrihen të gjithë për t’i dërrmuar bandat e Rilindjes”, tha Meta.
Presidenti i zgjedhur akuzoi PS-në se po përpiqet të frikësojë votuesit, pasi sipas tij nuk merr më shumë se 45 mandate në të gjithë vendin.
“Duke qenë se nuk i dalin më shumë se 45 mandate, përpiqen të intimidojnë votuesit. Kam ardhur në Lezhë dhe u kam dhënë fjalën qytetarëve se do t’i mbroj nga bandat e Rilindjes dhe Haki drogës”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
