Deputeti shqiptar në Parlamentin serb Shuaip Kamberi deklaroi në edicionin e lajmeve në MCN TV se Vuçiç mbetet favorit për fitoren e zgjedhjeve në Serbi, pasi opozita nuk është e bashkuar.
Ka pasur një pakënaqësi në rritje që në mbarë Serbinë ekziston ndaj Aleksandër Vuçiç. Partia e tij kontrollon gjithçka. Pavarësisht se merr pjesë opozita, nuk është e bashkuar. Mendoj që Vuçiç do të fitojë shumicën në Parlament dhe postin e presidentin”.
Kamberi tha se marrëveshjet Shqipëri-Serbi nuk kanë ndikuar pozitivisht te shqiptarët në Luginën e Preshevës.
Kosova duhet të insistojë që Lugina e Preshevës të jetë një temë në bisedime. Edhe marrëveshjet Shqipëri-Serbi janë në kuadër të një bashkëpunimi që duhet ndërtuar në rajon, por akoma s’po ndikojnë pozitivisht në Luginën e Preshevës”.
Po ashtu deputeti shqiptar vuri në dukje se marrëveshjet e nënshkruara me qeveritë në Beograd s’janë respektuar.
Kemi tre marrëveshje të nënshkruara me qeveritë në Beograd që s’janë respektuar. Duke e paraqitur luginën e Preshevës si jo stabile ai largon investitorët e huaj. Politika është diskriminuese dhe po e vështirëson jetën e shqiptarëve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
