Ministria e Kulturës e Shqipërisë dhe Ministria e Kulturës e Kosovës nënshkruajnë sot kalendarin e përbashkët kulturor mes dy vendeve.
Kalendari kulturor është rezultat i “Deklaratës së përbashkët për Bashkëpunim dhe Partneritet Strategjik ndërmjet Qeverisë së Kosovës dhe Këshillit të Ministrave të Republikës së Shqipërisë”, e cila u nënshkrua në Prizren më 11 janar 2014. Në këtë kalendar përcaktohet organizimi i ekspozitave, koncerteve, festivaleve, shfaqjeve teatrale, shfaqjeve të filmave, si dhe konferenca të përbashkëta, shkëmbime përvojash dhe aktivitete të përbashkëta të trashëgimisë kulturore.
Kalendari kulturor Shqipëri-Kosovë nënshkruhet në orën 11:40 në ambientet e Ministrisë së Kulturës së Shqipërisë, salla “Tefta Tashko”, nga ministrja Elva Margariti dhe ministri i Kulturës për Kosovën, Kujtim Gashi.
Në vijim, të dy ministrat do të dalin në një komunikim për mediat për të prezantuar aktivitetet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
