Makina e parë llogaritëse me bateri, eprodhuar nga Texas Instruments, del në ankand, për një çmim prej 50 000 dollarë. Objekti ka një histori të gjatë që buron nga vullneti i Presidentit të kompanisë teknologjike, Patrick Haggerty, për të kryer projektin që iu besua inxhinierit elektrik amerikan Jerry Merryman, i cili vdiq në shkurt 2019. Të dy, me këtë pajisje, kanë revolucionarizuar mësimin dhe studimin e matematikës. Tashmë makinat llogaritëse janë pjesë integrale e smartfonëve dhe orëve inteligjente.
Makina në fjalë është e realizuar me metal dhe ka 18 taste. Deri në kohën kur u prodhua, kostot e mëdha për t’i bërë në përmasa të vogla qarqet e integruara e kishin bërë të pamundur komercializimin e këtij objekti, duke e kufizuar përdorimin e tij vetëm në fushën ushtarake. Mjafton të kujtojmë se makinat llogaritëse të kohës nëpër zyra peshonin 25 kilogramë.
Jerry Merryman-it iu deshën dy vjet për ta shndërruar projektin në realitet, deri në marrjen e patnetës që i hapi dritën jeshile hedhjes së pajisjes në treg. Më pas u deshën edhe 4 vjet për ta shndërruar prototipin në një produkt të destinuar për masat. Në 1971, Canon lançoi Pocketronic, një pajisje e bazuar në të njëjtin model, që kushtonte 150 dollarë.
Makina llogaritëse është pjesë e objekteve që ka nxjerrë në ankand Bonham's. Ajo vlerësohet mes 30 dhe 50 mijë dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
