Ambicia për të njësuar abetaren në të dyja vendet ishte një nga pikat e mbledhjes së përbashkët të dy qeverive: asaj të Shqipërisë dhe Kosovës, dy ditë më parë. Një ambicie të tillë e kanë edhe shqiptarët e Maqedonisë së Veriut. Në një lidhje Skype, Avzi Mustafa, ekspert i arsimit në Maqedoninë e Veriut, tha për MCN se deri tani, një kërkesë e tillë ka mbetur thjesht te deklaratat.
Duhet patjetër të kemi një abetare të përbashkët. Deri tani ka qenë më shumë simbolike ajo që ndodhi në Kosovë dhe luginën e Preshevës. Kjo që deklaroi kryeministri i Shqipërisë duket se do të jetë një prej nismave më serioze që ekziston. Sa u përket shqiptarëve të Maqedonisë, ne e kemi kërkuar. Por deri tani ka mbetur në mënyrë deklarative. Nuk kemi marrëveshje. Që të kemi një abetare të përbashkët, duhet një ligj që do ta obligonte Maqedoninë e Veriut. Besoj se do të jetë një projekt serioz.
Mustafa tha se një nismë e tillë duhet shtrirë edhe te lëndët e tjera.
Abetarja e përbashkët është zanafilla. Do të ishte mirë që edhe lëndë të tjera të përfshiheshin në këtë projekt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
