Kreu i Partisë Demokratike, Lulzim Basha ka zbardhur takimin e presidentit të PE-së, Davis Sassoli mbajtur këtë të martë në selinë e PD.
Nëpërmjet një postimi në “Facebook”, kryedemokrati shkruan se Sassoli garantoi se do të jetë një mbështetje për rrugën e Shqipërisë drejt anëtarësimit në BE.
“I lumtur të takoja mikun e Shqipërisë, Presidentin e Parlamentit Europian z. David Sassoli dhe të merrja prej tij konfirmimin se, personalisht dhe institucionalisht, do të jetë një mbështetje e fuqishme dhe e vazhdueshme për rrugën europiane të Shqipërisë dhe përparimin demokratik të vendit tonë.”
Ndër të tjera, lideri demokrat i përcolli kreut të PE-së se opozita e bashkuar po bën gjithçka që aspirata e qytetarëve shqiptarë për hapjen e negociatave me BE të bëhet realitet sa më parë.
“Bashkimi Europian dhe respektimi i vlerave europiane është e ardhmja e vetme e Shqipërisë, pavarësisht krizës që vendi po kalon! Mirënjohje Presidentit Sassoli dhe Parlamentit Europian për mesazhin shpresëdhënës se populli shqiptar ka patur dhe do të ketë gjithmonë mbështetjen e Europës.”
Pas këtij takimi, mësohet se Sassoli do të takohet me Ambasadoren e re të SHBA në Tiranë, Yuri Kim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
