Në merkaton e verës Everton shpenzoi rreth 170 mln euro për të përforcuar ekipin por pjesa e parë e sezonit po rezulton shumë e zymtë për ekipin anglez. Situatës së vështirë në kampionat ku rrezikohet edhe mbijetesa i shtohet edhe humbja turpëruese mbrëmë në “Europa League” kundër Atalantës së Etrit Berishës me rezultatin 1-5.
Pak javë më parë blutë e Liverpulit shkarkuan trajnerin holandez Ronald Koeman dhe në vendin e tij emëruan David Unsworth, por edhe me teknikun e ri situata nuk po njeh përmirësim. Pas humbjes mbrëmë me italianët skuadra ka arritur fundin dhe mediat angleze nuk janë kursyer në kritika për Everton.
“Daily Mail” shkruan se diferenca e thellë e rezultatit është e pafalshme dhe situata në të cilën gjendet klubi është fyerje për të gjithë ata që kanë kontribuar për t’a bërë atë një nga më të rëndësishmit në “Premier League” dhe Europë. Turp për Everton cilësohet në artikullin e prestigjiozes britanike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
