Rreth 42,000 persona rezultojnë të zhdukur në Ukrainë, konfirmoi Ministria e Brendshme në vend.
Shifra përfshin civilë dhe ushtarë, saktësoi Dmytro Bohatiuk, drejtues në departamentin e personave të zhdukur.
Që prej shpalljes së një pushtimi të paprovokuar, në shkurt të vitit 2022, nga Rusia, mijëra njerëz janë zhdukur, miliona janë zhvendosur nga shtëpitë e tyre dhe nuk dihet nëse janë vrarë apo janë arratisur.
Sipas Bohatiuk, më parë shifra ishte 51,000 të zhdukur, por duke përfshirë edhe të burgosurit e luftës.
Gjithashtu, ai u shpreh se është një sfidë e vërtetë identifikimi i ushtarëve të vrarë, pasi para se ata të dërgohen në luftë, nuk merren kampione gjaku dhe mostra gjenetike të tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
