Përpara hetuesve të SPAK dhe publikisht në media ka denoncuar se ndaj tij është bërë presion për të firmosur tjetërsimin e ish-ambienteve të klubit Partizani. Ish-gjenerali Vladimir Qirjazi padit Presidentin Bajram Begaj dhe ministrin Niko Peleshi duke kërkuar rikthimin në detyrë dhe gradën e ushtarakut.
Ish-ushtaraku që ka dëshmuar kundër eprorëve të tij në procesin penal njohur si dosja “Partizani” kërkon rikthimin në detyrë dhe veshjen e uniformës së ushtarakut.
Emisioni “FactCheck” ka siguruar padinë e Vladimir Qirjazit dhe të dhëna për procesin që ai ka me shtetin.
Aktualisht ky gjykim ndodhet në Gjykatën e Lartë, në dhomën administrative, ndërsa gjyqtari relator është caktuar Gentjan Medja.
Por çfarë kërkon Qirjazi?
Sipas dokumentit të siguruar nga “FactCheck”, Qirjazi kërkon “Anulimin e Dekretit te Presidentit te Republikës nr. 7189, date 06.12.2011 për shkarkimin dhe nxjerrjen rezervë të Gjeneral Brigade Vladimir Qirjazi.
Anulimin e urdhrit nr. 2089, date 29.12.2011 të Ministrit të Mbrojtjes për zbatimin e këtij dekreti. Rikthimin në detyrën e mëparshme”.
Në vitin 2011 ka qenë Presidenti Bamir Topi ai që ka shkarkuar me dekret Vladimir Qirjazin, ndërsa Ministria e Mbrojtjes asokohe drejtuar nga ish-ministri Arben Imami e ka zbatuar këtë dekret me anë të një urdhri.
Aktualisht Ministër i Mbrojtjes është Niko Peleshi dhe President i Republikës Bajram Bega,j dikur ish-kolegu i Qirjazit, ndërsa mbetet ende e pazbardhur cili do të jetë qëndrimi i tyre nëpërmjet juristëve përfaqësues në gjykatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
