Gjykata Kushtetuese do të marrë në shqyrtim ankimin e ish-Presidentit, Ilir Meta ndaj vendimit të Gjykatës së Lartë, kundër masës së sigurisë “arrest ne burg”.
Në mbledhjen e sotme të gjyqtarëve u vendos që të kalojë në seancë për shqyrtim mbi bazë dokumentesh.
Përmes përfaqësuesve të tij ligjorë Meta është ankuar në Gjykatën Kushtetuese, për vendimet e të tre gjykatave; Gjykatës Lartë, Gjykatës së Apelit, dhe Gjykatës së Shkallës të Parë, duke pretenduar se këto vendime kanë cenuar rëndë liritë, Kushtetutën, ligjin procedural penal, por edhe Konventën Europiane për të Drejtat e Njeriut, për sa i përket heqjes së lirisë, duke vendosur në masë shtrënguese arrest në burg, ish-Presidentin e Republikës, ish-Kryeministrin dhe ish-Kryetarin e Kuvendit të Shqipërisë, pa akuzë konkrete por vetëm me dyshime si person nën hetim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
