Zef Bushati ish amabasador në Vatikan i ftuar në emisionin ‘Të Paekspozuarit’ në MCN TV u shpreh kundër lidhur me idenë e kryeministrit Rama për krijimin e një shteti bektashi në Shqipëri.
Ai tha se komuniteti bektashi ka një karakteristikë të veçantë që fetë e tjera se kanë këtë në Shqipëri dhe ne të gjithë sëbashku duhet të bëhemi bashkë që ta rrisim në nivel botëror këtë. Sipas tij, Rama e ka menduar si model siç është Vatikani për katolikët.
Rama e ka menduar kështu që Vatikani është vendi simbol për gjithë katolicizmin botëror, pra te gjithë katolikët e botës e kanë qendrën për katolikët. Ndaj dhe për bektashinjtë ka menduar që duke qenë Kryegjyshata Botërore dhe gjithë bektashinjtë e botës e kanë qendrën këtu ndaj dhe ai, them unë, e ka hequr këtë paralele.
Pastaj po të futesh në detajet e tjera, këto janë probleme të ngatërruara. Vatikani ka selinë e shenjtë, dhe ka qytet-shtetin, pra dy struktura që veçojnë. Ndërkohë mund të them se Zoti i ka dhënë Shqipërisë një mrekulli, një dhuratë të shkëlqyer që është kryeqendra e një sekti fetar në Shqipëri.
Unë nuk jam dakord për tu bërë një tjetër shtet në Shqipëri, unë e shikoj me shumë seriozitet faktin që komuniteti bektashi ka një karakteristikë të veçantë që fetë e tjera se kanë këtë në Shqipëri dhe ne të gjithë sëbashku duhet të bëhemi bashkë që ta rrisim në nivel botëror këtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
