Në Rrasë të Belshit para dy vitesh është zbuluar nga banorë të zonës një Term Romakë i cili nuk dihet nëse i përket një stacioni pushimi karrocash apo një vile antike.
Ditën e sotme kanë zbritur në terren për të bërë gërmime Arkeolog si dhe student nga universiteti i Tiranës të degës së Arkeologjisë, të cilët do merren me zbulimin e kësaj vepre antike.
Studentët që kanë ardhur për tu marrë me këtë zbulim shprehen të emocionuar që po nxjerrin në dritë një vend banim romak dhe se të gjitha teoritë e mësuara në auditore mund ti vënë në zbatim.
Bashkia Belsh me anë të Inspektorit të trashëgimisë kulturore arkeologjike thotë që ky objekt do jetë pikë atraktive për zonën e Belshit, objekt me vlera të jashtëzakonshme.
Nga ana tjetër Arkeologët shprehen se ky është një zbulim i rrallë për zonën e Belshit por dhe për Shqipërinë pasi është i pari Term i zbuluar në gjendje të mirëmbajtur ku duken qartë ndarjet e dhomave dhe funksionet përkatëse ajo çka nuk dihet është nëse ky term ka qenë në një stacion karrocash apo Term i ndonjë vile romake por gërmimet do nxjerrin në pah këtë fakt.
Ky projekt i ministrisë së kulturës bashkë me institutin kombëtar i trashëgimisë kulturore me mbështetje të Bashkisë Belsh do të vazhdojë në disa faza ku faza parë do jetë ajo e gërmimit dhe nxjerrjes në pah të këtij Termi ndërsa faza fundit ajo e kthimit në një zonë të vizitueshme nga turistë të huaj dhe vendas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
