Partia Demokratike ka mbledhur sot forumet për të diskutuar dhe vendosur në lidhje me vazhdimësinë e aksionit opozitar. Fillimisht Basha, është takuar me aleatët e vegjël dhe me Petrit Valisin nga LSI, pasi kryetarja Kryemadhi ndohet në vizitë zyrtare në SHBA.
Fill pas përfundimit të takimit, për mediat ka folur vetëm kreu i LZHK-së, Dashamir Shehi, i cili është shprehur se protestat do të vijojnë dhe se nuk do të lejojmë mbajtjen e zgjedhjeve vendore.
"PS-ja ka filluar manipulimin zgjedhor që tani me spostimin e komisioneve, tani ka vetëm 25 kandidatë dhe gara është false. Kjo është që sot ka filluar manipulimi, zgjedhjet kanë rënë moralisht dhe praktikisht. Edhe sikur ti mbushin plot letrat nuk do të lejojmë që të zhvillohen zgjedhjet. Nuk heqim dorë nga takimet me ndërkombëtarët, por aksi kryesor është protesta e rrugës deri në fund kur të mbërrijmë një zgjidhje finale.
E konsiderojmë pozitive për Shqipërinë që të vijë dita dhe të bëhen zgjedhje, pasi këtu nuk mund të ketë. Ky është mesazhi kryesor, këtë diskutuam dhe do të diskutojmë. Ka shumë alternativa për protestën e radhës, qyteti mund të prodhojë përditë, por ne do të marrim pjesën më pozitive. Në nuk bëjmë protestë për protestë, por pasi po shkelet rregullat e lojës" deklaroi Dashamir Shehi.
Ndërkohë, gjatë ditës, Basha do të takohet edhe me Kolegjin e kryetarëve dhe në 17:00 me Kryesinë dhe ish-deputetët për detajet e aksionit të mëtejmë opozitar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
