Ministri i Punëve të Jashtme i Kosovës, Enver Hoxhaj, takoi homologun e tij në Mbretërinë e Holandës, Bert Koenders.
Sipas njoftimit për media, kryediplomati Hoxhaj e njoftoi ministrin holandez me prioritetet e Republikës së Kosovës në politikën e jashtme, duke vënë theksin në angazhimin për rritjen e njohjeve të Kosovës dhe forcimin e subjektivitetit ndërkombëtar të shtetit.
Duke e falënderuar ministrin Koenders për përkrahjen e pakursyer të Holandës në shtetndërtimin e Kosovës dhe në procesin e integrimit evropian, Hoxhaj theksoi nevojën për thellimin e bashkëpunimin bilateral.
“Në takimin që kisha me ministrin e Punëve të Jashtme të Holandës, biseduam për tri tema kyçe. Së pari, se si ai dhe vendi i tij ta mbështesin Kosovën në liberalizimin e vizave; së dyti, sa herë që Kosova të aplikojë në ndonjë organizatë ndërkombëtare të japë votën pro Kosovës dhe së treti, që të ketë një kapitull të ri të bashkëpunimit përmes organizimit të një forumi të madh të investimeve”, tha Hoxhaj./
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
