Britani/ Kartëmonedhat e polimerit ndërrojnë fytyrë

Vdekja e Mbretëreshës Elizabeth II sipas protokollit në Mbretërinë e Bashkuar do të ndryshojë edhe monedhën, por edhe traditat që kanë të bëjnë me mjedisin. Mbreti Charles III ka qenë gjithmonë i vëmendshëm për këtë çështje, në jetën e tij shumë të gjatë si princ trashëgimtar. Monarku i ri ka  vendosur ta zëvendësojë nënën mbretëreshë vetëm në kartëmonedha polimeri, pra në ato plastike, dhe ende jo në ato të letrës. Kështu, imazhi do të zëvendësohet në prerjet 5, 10, 20 dhe 50 paund, pa ndryshime të mëtejshme, vetëm nga viti 2024 e në vazhdim. Ky është koncepti që qëndron pas njoftimit nga Banka e Anglisë, pas indikacioneve të diktuara drejtpërdrejt nga Buckingham Palace. Në fund të periudhës së zisë për familjen mbretërore, ky është një nga shenjat e parë të Çarls.

Revolucioni në plastikë

Zgjedhja e monarkut shkon paralelisht me revolucionin që po zhvillohet tashmë përgjatë Kanalit, atë të kartëmonedhave polimerike, të cilat së shpejti do të zëvendësojnë ato prej letre. Transporti dhe shpërndarja e tyre konsiderohet më e lehtë, aq sa ndikimi në mjedisin e transportit është mjaft i kufizuar, si dhe riciklimi më i lehtë. Ndryshe nga paratë e letrës, të cilat janë përdorur për më shumë se tre shekuj, kartëmonedhat plastike do të jenë më rezistente dhe madje të vështira për t'u falsifikuar, duke sjellë përfitime të konsiderueshme në disa aspekte. Kartëmonedhat prej polimeri u prezantuan në vitin 2016, por ende nuk i kanë zëvendësuar plotësisht ato tradicionale.

Zgjedhje ekologjike

Nëse nga njëra anë Carlo dëshiron t'i japë substancë misionit të tij për të mbrojtur planetin, si një monark i vërtetë i gjeneratës së re, nga ana tjetër britanikët po përgatiten në përgjithësi për një kurs të ri të gjelbër. Britania e Madhe është një nga shtetet pioniere në botë për këtë tranzicion ekologjik.

Prej datës 1 tetor pritet që vetëm ato të “plastifikuara” të mund të shpenzohen apo shkëmbehen në banka dhe posta të caktuara. Megjithatë, udhëheqja në këtë kuptim i përket Australisë, e cila kishte filluar të shtypte dollarin e saj në plastikë që në vitin 1988, ndërsa të njëjtin drejtim e morën më pas Kanadaja, Fixhi, Mauritius, Zelanda e Re, Papua Guinea e Re, Rumania, Polonia dhe Vietnami. Kur ato nuk janë më të përdorshme, kartëmonedhat zakonisht copëtohen dhe dërgohen në depo. Kjo lloj kartëmonedhe e re mund të shndërrohet në pelet dhe të ripërdoret për të bërë objekte të tjera, madje edhe për përdorim të përditshëm, si karrige apo tavolina. Një revolucion që, të paktën pjesërisht, do të mbajë fytyrën e Karlos, i cili do të presë me durim konvertimin e të gjitha kartëmonedhave (14 miliardë paund prej letre janë në qarkullim), ashtu siç priti për vite të tëra ulur në fron.