Drejtori i Përgjithshëm për Fqinjësi dhe Zgjerim në Bashkimin Evropian, Christian Danielsson, e sheh si pengesë për integrimin e vendit djegien e mandateve nga deputetët e opozitës. Pas dy takimeve të veçanta që ai pati me kryeministrin Rama dhe kryedemokratin Lulzim Basha, Danielsson theksoi se Parlamenti mbetet motori i vetëm i demokracisë.
“Sa i përket opozitës kam theksuar që vendimi i aëtarëve për të djegur mandatet në bllok minon rrugëtimin e Shqipërisë në BE. Pasiguria duhet kaluar në mënyrë urgjente. Parlamenti është shtyllë e shtetit, motori i çdo demokracie të pjekur. Duhen krijuar kushtet për një dialog konstruktiv në Parlament. Ndaj duhet theksuar thirrja e Mogherinit dhe Hanh që ky vendim e minon integrimin”, tha ai.
“E drejta për të protestuar është e lejuar por protestat duhet të jenë paqësore. Përgjegjësit për to nuk duhet të shtyjnë për dhunë”, është shprehur ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
