Qëndrimi në këmbë për orë të tëra dëmton shëndetin, pasi dyfishon rrezikun e sëmundjeve të zemrës njësoj si duhani. Ky është përfundimi i një studimi të kryer në Kanada dhe të botuar së fundmi në American Journal of Epidemiology.
Studiuesit kanë analizuar për 12 vjet 7000 banorë të Ontarios, të cilët ishin në marrëdhënie pune. Ata vunë re se kush rrinte në këmbë ishte dy herë më shumë i rrezikuar nga sëmundjet e zemrës se ai që e kalonte kohën e punës ulur.
Ekspertët shpjegojnë se qëndrimi në këmbë shton presionin te venat e gjakut dhe rrit stresin, që kontribuon në shtimin e probabilitetit të sëmundjeve kardiake dhe provokon dhimbje kronike në shpinë dhe probleme në këmbë.
Profesionet më të rrezikuara janë kasierët, shitëset, kuzhinierët dhe sanitarët. Sipas mjekëve, metoda më e mirë për të minimizuar rrezikun është alternimi i kohës së kaluar në këmbë me disa minuta ulur si edhe ushtrime të rregullta streçing në pauzat e lejuara. / G.S. /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
