Një turiste nga Peruja ka mbetur e bllokuar midis shkëmbinjve në vendin e quajtur “Ujëvara e Sotirës”, teksa ishte duke eksploruar me këmbë zonën. Si pasojë e terrenit të vështirë e të thepisur turistja nga Peruja nuk ka mundur të dalë prej aty dhe ka njoftuar shërbimet e policisë.
Menjëherë pas marrjes së njoftimit, shërbimet e Komisariatit të Policisë Gramsh dhe shërbimet mbështetëse, janë nisur në drejtim të zonës ku kishte mbetur e bllokuar turistja.
Si rezultat i reagimit të menjëhershëm dhe punës së mirorganizuar, punonjësit e Policisë kanë bërë të mundur nxjerrjen e turistes nga terreni i vështirë ku ishte bllokuar, të cilës, më pas, i është ofruar shërbimi mjekësor dhe aktualisht ndodhet në gjendje të mirë shëndetësore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
