Shfrytëzuan shërbëtorët nga India, dënohet familja më e pasur në Mbretërinë e Bashkuar

<p>Katër anëtarë të familjes më të pasur të Britanisë së Madhe janë dënuar me burg për shfrytëzimin e stafit të sjellë nga India për të punuar në vilën e tyre në Gjenevë.</p> <p>Prakash dhe Kamal Hinduja, si dhe djali i tyre Ajay dhe gruaja e tij Namrata, u shpallën fajtorë për shfrytëzim dhe punësim të paligjshëm nga një gjykatë zvicerane dhe morën dënime që varionin nga katër deri në katër vjet e gjysmë.</p> <p>Avokatët që përfaqësojnë të pandehurit thanë se synojnë të apelojnë kundër vendimit. Duke folur jashtë gjykatës, Robert Assael, avokati i të pandehurve, tha se do ta kundërshtojnë vendimin deri në fund.</p> <p>Tre punëtorë që u sollën nga India pretendojnë se familja i paguante vetëm 8 dollarë për të punuar 18 orë në ditë - më pak se një e dhjeta e shumës së lejuar sipas ligjit zviceran,</p> <p>Sipas tyre, pronarët u konfiskuan edhe pasaportat, ndërsa nuk i lejonin të largoheshin nga shtëpia, përveçse në raste të rralla.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Mbrojtja argumentoi se punonjësit merrnin përfitime të shumta, nuk mbaheshin të izoluar dhe ishin të lirë të largoheshin nga vila.</p> <p>Nuk është hera e parë që Gjeneva, një qendër për organizatat ndërkombëtare, si dhe për të pasurit e botës, ka qenë në qendër të vëmendjes për keqtrajtimin e supozuar të shërbëtorëve.</p> <p>Vitin e kaluar, katër punëtorë shtëpiak nga Filipinet ngritën një çështje kundër një prej misioneve diplomatike të Gjenevës në Kombet e Bashkuara, duke pretenduar se nuk ishin paguar për vite me radhë.</p> <p>&nbsp;</p> <p>&nbsp;</p>